Одржан Фестивал на костенот 2024

На 25-ти и 26-ти Октомври 2024 година се одржа 17-тиот по ред „Фестивал на костенот“.
Фестивалот на костенот е една од активностите од календарот на културни настани преку која го промовираме костенот- симболот на Поречието. Тоа е настан каде младоста и мудроста се прелеваат една во друга преку игра и песна.
Денес, по 17 – пат ја ткаевме традицијата и не само низ игра и песна туку и со пишан збор.
На наше огромно задоволство, годинава со своето присуство овој настан го збогатија нашите гости од Република Србија, Градоначалникот на Алексинац, господинот Далибор Радичевиќ со неговиот тим, актуелната Пратеничка од Македонски Брод, Бисерка Златеска, Пратеникот Ѓорѓија Сајкоски, Вицепремиерот од Владата на Република С.Македонија Љупчо Димоски и Директорката на Агенцијата за промоција и поддршка на туризмот Билјана Стефаноска.
За фестивалот да го добие овој облик и за неговата богата содржина се погрижија: Градоначалникот Жарко Ристески со дел од општинската администрација, Советот на Општина Македонски Брод, Домот на култура „Македонски Брод“, ОЈУ Детската градинка „7-ми Септември“, ООУ „Св.Климент Охридски“, СОУ „Св.Наум Охридски“, ЈКП „Комунална хигиена“, ЈП „Водовод и канализација“, ТППЕ од Македонски Брод, ЈЗУ Здравствен Дом, Македонски Брод и ОВР – Полициска станица од Македонски Брод.
А, за да истиот блесне во полн сјај свој придонес дадоа и долгогодишните спонзори: Корнер фуд – Битола и Спорт лајф – Скопје.
Покрај нив, оваа година се придружија и МГ ПРОЕКТ – Скопје, Еуро шари, Ленди Груп, Актуеленерџи груп, хотел Арена Тетекс, Елемент мебел Тетово, Гејминг Профешнал – Струга и КМ Трејд дооел Скопје.
Посебна благодарност изразуваме и до сите учесници кои со своите штандови ја доловија магијата и богатството на поречката еколошки чиста и здрава храна.
Фестивалот заврши, но продолжува есенската магија пропратена со мирисот на костенот!